Elsa Haralds hárgreiðslumeistari

Bouillabaisse / Frönsk fiskisúpa

fyrir 6

  
500 gr. humar í skelinni
250 gr. súrímí krabbi
500 gr. risahörpuskel
500 gr. bláskel
250 gr. úthafsrækja
500 gr. steinbítur
1/4 tsk. saffron
4 tómatar
250 gr. maukaðir tómatar
3 shallot laukur
4 hvítlauksgeirar
1/4 búnt steinselja
1/4 ferskur grænn chilistilkur
400 ml. hvítvín
800 ml. vatn
Salt og pipar eftir smekk
Ólívuolía til steikingar

Snyrtið fiskinn og gerið hann kláran fyrir matreiðsluna. Saxið shallot laukinn og hvítlaukinn og svitið í stórum potti. Bætið maukuðu tómötunum saman við saxaða laukinn og hvítlaukinn. Stráið saffroni út í tómat- og laukmaukið. Bætið helming af hvítvíninu og vatninu saman við. Setjið chili saman við maukið.

Bætið fisknum út í pottinn þannig að sú tegund sem þarf lengstu eldunina komi fyrst. Bætið síðan afganginum af hvítvíninu og vatninu við og lofið suðunni að koma hægt og rólega upp. Saxið steinseljuna og setjið út í rétt áður en fiskisúpan er borin fram.

Berið fram með snittubrauði og aioli.

***************************************

Aioli

4 hvítlauksgeirar
1 eggjarauða
2 1/2 dl. Ólívuolía
2 msk. rifinn Goudaostur (eða parmesanostur)
1/2 tsk. Dijon sinnep
Salt og nýmalaður pipar eftir smekk

Rífið niður ostinn. Hrærið ólívuolíunni og eggjarauðunni saman. Saxið hvítlaukinn smátt niður og bætið við. Bætið sinnepinu við ásamt saltinu og piprinum. Hrærið niðurrifna ostinum saman við.

***************************************
 

Karamellubúðingur – Creme Caramel

fyrir 6

Í karamelluna:

1/2 lítri vatn
100 gr. sykur

Búðingurinn:

1 lítri Nýmjólk
4 vanillustangir
4 egg
4 eggjarauður
150 gr. sykur

Hellið vatninu í pott ásamt sykrinum. Látið þetta malla þar til gullinbrúnt. Athugið að hræra í reglulega.

Hellið mjólkinni í annan pott við vægan hita. Kljúfið vanillustangirnar eftir endilöngu og setjið saman við mjólkina. Hrærið rólega.

Hrærið saman eggin og eggjarauðurnar með handþeytara. Bætið síðan sykrinum út í mjólkina. Látið suðuna rétt koma upp. Takið síðan mjólkina strax af hellunni og látið kólna. Hellið karamellunni í eldfast mót. Sigtið síðan stærstu vanillubitana frá áður en þið ausið mjólkinni yfir karamelluna.

Bakið í ofni við 130°c í um það bil klukkutíma, þar til búðingurinn er orðinn stífur.