Forréttur fyrir 4

300 gr   Kengúru fillet
1 stk      Steinseljurót
1 búnt    Kóríander blöð
2 stk      Fíkjur
Parmesan

Steikið kengúru fille-ið á pönnu í c.a. 3 mínútur. Þetta er eingöngu til þess að loka kjötinu. Það er nóg bara að láta það stoppa aðeins á hverri hlið.

Skrælið steinselju rótina og rífið í rifjárni og setjið í skál. Skerið kóríanderblöðin niður og setjið út í skálina. Setjið eina matskeið af dressingu út í blönduna og blandið vel saman

Dressing:
2 msk Ostru sósa
1 tsk   Hindberja edik
1 msk Vatn
1 dl     Extra virgin ólífu olía
1 tsk   Engifer ferskt rifið
1/6 tsk Wasabi
1/6 tsk Kóriander duft
Mulinn svartur pipar

Aðferð:

Blandið öllu saman og hrærið vel.

Setjið þunnt lag af dressingu á diskinn og saltið líka með sjávarsalti úr kvörn eða sjávarsalt flögum. Skerið þunnar sneiðar af kjötinu og setjið á diskinn. Takið síðan steinseljurótarblönduna og dreifið yfir og þunnar parmesan flögur. Að lokum eru fíkjurnar skornar í þunnar sneiðar og dreift yfir.

Þetta er sérstaklega góður forréttur

Prentvæn útgáfa