Fyrir 4

 

Selleryrótar salat

 

1stk  Selleryrót

1stk Rauðlaukur

1 msk Grófkornað sinnep

1 lítil dós 18% sýrður rjómi

1 stk Sítróna

Salt og pipar

 

Aðferð:

Skerið utan af selleryrótinni og snyrtið. Raspið hana niður í grófu rifjárni. Takið utan af lauknum og skerið í fínar sneiðar. Blandið þessu saman í skál. Raspið fínt utan af sítrónuni smá börk en gætið þess að fara ekki niður í þetta hvíta því það getur verið mjög ramt. Bætið restinni af hráefninu út í og kryddið til með salti og pipar.

 

 

Papriku og tómat dressing

 

1 stk Rauð paprika

1 stk Rauðlaukur

1 msk Balsamic edik

1 1/2 dl Extra virgin ólífuolía frá Filippo Berio

Salt og pipar úr kvörn

 

Aðferð:

Afhýðið paprikuna í ofni við c.a. 200 °c, gott er að hafa grill eða yfirhita á. Takið hana út úr ofninum og leyfið hennin að kólna aðeins og þá er hægt að fletta húðinni af og skera í litla teninga. Takið kjarnann úr tómatinum og skerið í litla teninga og blandið saman við paprikuna og blandið restinni af hráefninu út í og kryddið til með salti og pipar úr kvörn.

 

1 kg laxaflak

olía til steikingar

Salt og pipar

 

Aðferð:

Snyrtið laxaflakið, beinhreinsið og skerið í hæfilega stóra bita. Steikið á pönnu í c.a. 2-3 mínútur á hvorri hlið. kryddið með salti og pipar úr kvörn.

Mjög gott er að afhreystra laxinn en það þarf að gerast þegar hann er heill. Þá steikir maður hann bara á roð hliðinni og verður roðið mjög stökkt og gott.

 Gott er að bera fram hrísgrjón með þessum rétti

Prentvæn útgáfa